Wee Maggie Picken

Maggie Picken day or nicht
Sang oot wae aa her micht
Folk says she wusnae richt
Maggie Picken day or nicht

Chorus:

Wee Maggie Picken, Wee Maggie Picken
Wee Maggie Picken, Wee Maggie Picken

Maggie Picken had a hen
Scraiched an cackled when
She laid an egg noo an then
Maggie Picken's ain hen

Chorus

Maggie Picken had a pig
Hoakin up the proota rig
Get a stick, gie er a dig
Maggie Picken's ain pig

Chorus

Maggie Picken had a dug
Naw tha soart ye'd wantae hug
Gien a gowl wud deave yer lug
Maggie Picken's ain dug

Chorus

Maggie Picken had a cat
For supper ate a rat
Nea wunner she got fat
Maggie Picken's ain cat

Chorus

Maggie Picken had a wean
Thran, crabbit bein
Swore she'd never dae that again
Maggie Picken's ain wean

Chorus

Maggie Picken had a goat
Hairy baird, hairy coat
He growe oul begun tae dote
Maggie Picken's ain goat

Chorus

Maggie Picken had a coo
Black an white aboot the broo
Apen the gate an let er throo
Maggie Picken's ain coo

Chorus

Maggie Picken had a goose
Rinnin roon on the loose
In an oot o her hoose
Maggie Picken's ain goose

Chorus