Giein tha Braid Picthur

Tha Boord o Ulstèr-Scotch wus a newins an sae wus ploo’in new grun wi a wheen o its unnèrtakkins theyeir. Thar wus aye fur bein inlats fur biggin success tae cum wi, forbye tha sure inlaks o hinnèrance at tha Boord wud cum up agin in tha yeirs tae cum.
 
Unnèr an frae oot o tha North/South Cooperation (Implementation Bodies) (Northern Ireland) Order 1999,Schedule 1, Annex 1, Part 5 and Annex 2, Part 5, an tha British-Irish Agreement Act 1999, Schedule, Annex 1, Part 5 and Annex 2, Part 5, inlats wud be taen up fur –

• Fordèrin mair hame-kintra thochts amang tha Ulstèr-Scotch fowk;
• Uphaudin tha fit muckle ettlins o tha twa siller-giein Männystries, noorth an sooth o tha bordèr;
• Forderin tha Ulstèr-Scotch leid, fowkgates an historie athort tha islann an ayont;
• Takkin a muckle pairt in tha braid-Euraip kennin o unnèr-docht leids an fowk richts;
• Lairnin frae tha ongauns o ither unnèr-docht leids.

Hooaniver. tha Boord knowed fu weel at thar wud be inlacks alang wi thir inlats, quhilk maun be faced up til gin tha Heich Ploy is fur winnin tha ettlins we hae greed.
Thir inlacks wus gien as-
• Tae uphaud tha ettlins o tha Boord , aiblins athoot siccar an settlet politicks
• Want o fowks takkin tent an uphaudin.
• Tha ilka-day foarms o tha leid takkin on lnglis.
• Tha threaps anent leid amang scholaers , baith here an in Scotlann.
• Tha road aheid fur tha Scotch leid.

Hooaniver, thon didnae stap tha Boord frae pittin its haun tae tha new darg in a bricht, forrit-leukin gate, kennin fu weel at it wud be pairt o tha muckle return o oor poustie heirskip o leid an fowkgates.

Tha Boord o Ulstèr-Scotch twigged at it cudnae owrecum thir inlacks its lane. Tha bit it maun dae gars it langle wi pairtnèrs frae tha islann o Airlann, frae Scotlann, wi ithers fordèrin unnèr-docht leids in euraip, an wi tha Ulstèr-Scotch fowk ats skailed owre tha warl.

Tha Boord knowed fu weel tha darg lee’in afore it, an tha owre ocht heicht o tha wark needit fur tae mak a difference.