Tha Boord o Ulstèr-Scotch maun aye:

a) keep tae tha heichmaist stannèrts anent jonnick an truth adae wi tha guidance o govermenn siller an ilka thäng it daes;

b) mak tha maist o `value for money' throch makin siccar at aa ootpits is gien tha maist canny o gates, athoot spennin abane tha siller gien;

c) gie answer til tha Norlin Airlann Semmlie, Dáil Eireann an tha Noarth-Sooth Cooncil o Männystèrs, thaim as maks uise o oor ootpits, lane resydentèrs an warkers, fur aa daeins o tha Boord, curatein govermenn siller, an tha far heid ettlins an tairgets is met;

d) hauden in wi tha laa an policies o tha twa Govermenns anent tha apen rinnin o tha Boord, gang alang wi theday's richt wye o hannlin freedom o wittins (an syne wi tha stannèrts gien greeance tae wi NSMC), an tha stannèrts o Service Furst, in fu;

e) forder jonick inlats wi aa warkers an fowk ootbye, an gang alang wi aa pairts o tha laa anent jonick an Fowk Richts.

Gear o Boadies
Tha Boord o Ulstèr-Scotch bis on fur tha richt gates o heich warkin. Hit wull win tae this oot o makkin maist o tha abilities o aa its warkers.

Sae tha Boord maun:
a) pit yin Boord Memmer forrits wi tha yae darg o leukin eftèr tha poustie o warkers an thair siccar, in tha Boord Chaummer, fur makkin a siccar wark plaice fur aa warkers;

b) aye be forderin jonick an aiven-haunnit gates o warkin;

c) aye be on fur Investors in People;

d) mak tha maist o warkin thegither in an apen, ilka-day gate o guideship;

e) keep warkers an guiders weel in wi ither, an aye be taakin wi Claught Warkers reprysentèrs.

Gangin Fur Yins in Want
Tha Boord kens weel at its policies an ootpits maun, quhaniver able, ettle at takkin in aa thae yins in oor kintra as haes tha maist wants.

Tha Boord is fur warkin, ower aa, tae forder social inclusion an tae gie a heft til resydentèrs quhilk hinnae tha graith an gear at ithers haes.