Forethocht o tha Preses

Tha Boord o Ulstèr-Scotch wus brocht in on 2 Decemmer 19an99. Fur a wheen o fowk it wusnae sae much tha enn o a lang fecht fur tha richts o thair leid an fowkgates, but mair tha stairt o an owre ocht splore o cumin intae thair ain.

Tha ettlin o tha Boord bes tae gie bakkin tae tha oncumin o tha Ulstèr-Scotch leid an tha fordèrin o Ulstèr-Scotch fowkgates.

Thon ettlin wus aisier sayed nor daen, an sae tha Boord fun oot afore lang.

Tha tent noo taen o tha leid, no jist in Ulstèr but aa roon tha warl, is a newins abane ocht ither, maist o aa in Noarth Americae, quhaur tha Ulstèr-Scotch leid an fowkgates haes gien sic a big heft tae tha biggin o baith Canada an tha Unitit States.

Theday, mair an mair leids is dee’in oot wi tha warl bein that wee got, an, in ma ain heid oniehoo, tha warl isnae as sinnèrie an as guid as it uised tae be. 

Seein thar’s big lang’ls atween leid an fowkgates, aa owre tha warl fowks is wrasslin wi tha speirins – quhit-wye micht ye fen, pit doon, mak siccar an fordèr tha uise an learin o thir leids, sae the wud be apen tae aa?

Quhit tha Boord fun, in tha furst twalmond it wus rinnin, wus that thar isnae yin richt wye o soartin this aa oot, an quhiles ye maun wait on ither boadies.

Tha Boord is gart fen tha leid an tak tent o ithers anent tha threaps o collegeners wi kintra taakers o tha leid, aboot quhit tha modren leid is, an quhit-wye it shud be brocht on.

Tha thocht at tha Ulstèr-Scotch leid micht, afore lang, tak it’s staunnin o jonick alang wi tha Airish Gaelick, - an at oor fowkgates wull be tuk in an unnèrstuid athort tha islann like wus gien oot as pairt o tha Bilfawst Greeance o 19an98, - is tha maist hairtsome darg A cud hae.

Tha wark is jist begoud.

Laird Laird o Airtygarvan
Preses
Tha Boord o Ulstèr-Scotch