Inlats an Inlacks

Tha Boord o Ulstèr-Scotch is a newins, an sae is fur plooin up muckle new grunn wi its unnèrtakkins. Thar wud be inlats fur biggin success tae cum, forbye inlacks o hinnèrance owre tha neist thrie yeir o thir ploys.

Tha Boord wull mak tha maist o inlats fur:

a) forderin mair hame-kintra thochts amang tha Ulstèr-Scotch fowk;

b) uphaudin tha fit muckle ettlins o tha twa siller-giein Männystries, noarth an sooth o tha bordèr;

c) forderin tha Ulstèr-Scotch leid, fowkgates an històrie athort tha Islann an ayont;

d) takkin a muckle pairt in tha braid-Euraip kennin o unnèr-docht leids an fowk richts;

c) lairnin frae tha ongauns o ither unnèr-docht leids.

Hooaniver, tha Boord kens weel thar wud be inlacks alang wi thir inlats, quhilk maun be faced up til gin tha Heich Ploy is fur winnin tha ettlins we hae greed.

Thir inlacks cud be gien in shoart as ablow:

a) tae uphaud tha ettlins o tha Boord, athoot siccar an settlet politicks;

b) want o fowks takkin tent;

c) ilka-day foarms o tha leid takkin on Inglis;

d) tha threaps anent leid amang scholars, baith here an in Scotlann;

e) tha road aheid fur tha Scotch leid.

Throch tha daein o this ploy, tha Boord o Ulstèr-Scotch wull be pairt o tha muckle return o oor poustie heirskip o leid an fowkgates.

Tha bit tha Boord o Ulstèr-Scotch daes maun hae yins langlet wi it fur pairtners frae tha islann o Airlann, frae Scotlann, amang ithers forderin unner-docht leids in Euraip, an wi tha Ulstèr-Scotch fowk ats skailed owre tha yaird.

Tha Boord kens weel tha brave darg afore it,

(a) fur makkin the maist o inlats, but

(b) takkin on tha inlacks in a bricht, forrit-leukin gate.