Blaknebbed Jimmy

I hae mine o blaknebbed Jimmy a boy frae oor toonlan
He uset tae run aroon the fiels, an aboot the Brecagh barn
”That daft wee chap” folk uset tae say
”He’ll droon yit in that place, its dangerous efter a plump o rain, its flooded and gie deep!”
”The wee fool beggars bak again doon at the water’s edge,
He’s swingin frae a big high brench, yid think he’s in a cage!”
But this wee boy was nae daft fool as folk thought him tae be
He knowed every birdsong, flower an shrub and nearly every tree
He’d run like a hare, jump an tare, an clim trees jist lik mad,
An the haws, wilepeas an blackberries geen him the name he had,
O wee daft blaknebbed Jimmy wus nae fool lik I say
As supple as a troot, thin as a rake an oot in the coulest day
The foks at school cad him a dunce, “As thick as champ they’d say!”
But at essays, poems an grammer he wus very gid that way,
Efter many years he proved them wrang, jist wha cliver he cud be,
By writing books and poems, an travelling far awa,
Sae here’s sumthin fer tae think aboot before yin maks comments,
Dinnae tak a book by its cover, it’s a lesson tae be learnt